Тускар туһан

Тускар туһан Идэһэни туттарга табыгастаах тэрили айда Күһүҥҥү киһи күлбүтүнэн… Хас биирдии саха ыала идэһэ амсайар күүтүүлээх күннэрэ кэлэллэрэ ый эрэ курдук кэм хаалла. Сэтинньигэ ким туох сүөһүнү быйыл туттубутун чугас дьонун кытта үөрэ-көтө үллэстиэҕэ. Идэһэ кэмэ чугаһаабытынан Майа сэлиэнньэтин олохтооҕо, үлэ бэтэрээнэ, рационализатор Константин Лонгинов саҥа оҥорбут тэриллэрин аҕалан көрдөрдө. Кини бу сырыытыгар сүөһүнү элбэхтик охсон эрэйдээбэккэ охторор ньыманы толкуйдаан, ыһыы өтүйэнэн саайыллар уһуктаах тимири оҥорбутун аҕалан сырдатта. Маннык ньыманан сүөһү, биирдэ эрэ охсуллаат, тута охтор. Ол кэннэ тириитин сүлэн баран икки тэҥ өлүүгэ сиһинэн аҥардыырга, сүгэнэн сиирэ-халты охсон эти алдьаппат туһуттан, сүгэттэн кэтит, хаптаҕай итиэннэ сытыы биилээх тэрили айан оҥорбут. Тэрил хомуллар-ыһыллар, биилээх өттө анал хааҕа угуллар. Сиһилии ⏪⏪⏪ Source: ГАЗЕТА “ЭРКЭЭЙИ“ Мегино-Кангаласского улуса