Guillaume Dufay - Mon chier amy

Mon chier amy, qu’avés vous empensé De rettenir en vous merancolie, Se Dieux vous a un bon amy osté Et dessevré de vostre compagnie? Ne mettés pas en abandon la vie; Priés pour luy, laissiés ce dueil aler; Car une fois nous fault ce pas passer. Vous savés bien, contre la volunté De Jhesucrist, ne la verge Marie, Nuls hom ne puet, tant soit hault eslevé De science ne de noble lignie. Tous convenra fenir, je vous affie; Il n’i a nul qui en puist eschaper, Car une fois nous fault ce pas passer.