Тропарь:
Тве́рдым ве́ры испове́данием святы́й Никола́й, я́ко крин посреде́ те́рния, во страда́нии свое́м процвете́ и благоуха́нием весели́т ве́рных сердца́, благоче́стию святы́х в ве́ре того́ подража́ющих. Его́же моли́твами, Христе́ Бо́же, спаси́ ду́ши на́ша.
Кондак:
Христу́ Пастыренача́льнику в служе́нии свое́м подража́я, во вся дни ду́шу свою́ за ча́да духо́вная полага́л еси́, священному́чениче Нико́лае, те́мже, страда́нием в Небе́сная селе́ния водвори́вся, те́пле мо́лиши о нас Преве́чнаго Бо́га.
Молитва:
О избра́нниче и уго́дниче Христо́в, священному́чениче Нико́лае, Це́ркве Ру́сския сто́лпе непоколеби́мый, земли́ на́шея благо́е прозябе́ние и кра́сный плод, сро́дников твои́х предста́телю и наста́вниче! Ты во вре́мя гоне́ния безбо́жнаго от сокро́вищницы души́ твоея́ спаси́тельное испове́дание Правосла́вныя ве́ры изне́сл еси́, и лю́дям ве́рным па́стырь до́брый яви́лся еси́, ду́шу твою́ за Христа́ и Его́ о́вцы полага́я и лю́тыя во́лки дале́че отгоня́я. Ны́не у́бо при́зри на нас, недосто́йных чад твои́х, умиле́нною душе́ю и сокруше́нным се́рдцем тя призыва́ющих. Умоли́ Го́спода Бо́га, да прости́т согреше́ния на́ша и изба́вит от а́довых уз и ве́чнаго муче́ния. Утверди́ нас в ве́ре святе́й, научи́ нас всегда́ твори́ти во́лю Бо́жию и храни́ти за́поведи церко́вныя. Бу́ди па́стырем на́шим пра́вило ве́ры, во́ином вождь духо́вный, боля́щим врач изря́дный, печа́льным уте́шитель, гони́мым засту́пник, ю́ным наста́вник, всем же благосе́рдый оте́ц и те́плый моли́твенник, я́ко да моли́твами твои́ми соблюде́тся в Правосла́вии Свята́я Русь и непреста́нно сла́вится в ней и́мя Пресвяты́я Тро́ицы, Отца́ и Сы́на и Свята́го Ду́ха во ве́ки веко́в. Ами́нь.
Величание:
Велича́ем тя, священному́чениче Нико́лае, и чтим честна́я страда́ния твоя́, я́же за Христа́ во утвержде́ние на Руси́ Правосла́вия претерпе́л еси́.
1 view
987
295
2 days ago 00:27:05 1
СОРОК СЕВАСТИЙСКИХ МУЧЕНИКОВ. Священник Валерий Духанин
4 days ago 00:03:56 1
Закладка камня на строительство храма в честь мученика Арефы (Ерёмкина). г. Село Красаевка
4 days ago 00:51:55 1
Потомок 11 святых о Викторе Цое, Афоне, мучениках и их мучителях. Иерей Анатолий Правдолюбов
6 days ago 00:13:37 1
Опыт духовной жизни святых Алексия и Сергия Мечёвых. Ответы на вопросы. Иером. Афанасий (Дерюгин)
1 week ago 00:25:43 1
Священник Павел Островский отвечает на СТРАННЫЕ ВОПРОСЫ / «ТЕТ-А-ТЕТ»
2 weeks ago 00:46:32 1
Толкование на Евангелие дня 14 августа 2024 года
2 weeks ago 00:36:11 1
Евангелие дня с толкованием 14 августа Отче наш, 90, 120 псалмы! 2024
2 weeks ago 00:18:26 1
Св. Максимилиан Мария Кольбе, священник и мученик ()
2 weeks ago 00:03:22 1
12 августа. Мученик Иоанн Воин. Православный календарь. Иерей Иоанн Коноплëв
2 weeks ago 00:05:00 1
12 августа. Память святого мученика Иоанна Воина. Программа «Одним словом». Иерей Владимир Крицак
2 weeks ago 00:19:14 1
Преподобный СЕРАФИМ САРОВСКИЙ. Священник Валерий Духанин
3 weeks ago 00:21:07 1
О священномученике Петре (Полянском).
Вечер вместе