«Аан дойду виртуоз-хомусчута» куонкурус бүгүн саҕаланар

III-с норуоттар икки ардыларынааҕы «Хомусист-виртуоз мира» куонкурус бүгүн саҕаланар, бэс ыйын 16-17 күннэригэр Дьокуускайга ыытыллар Манна 14 дойдуттан 40-тан тахса киһи кыттыа. Кыайыылаахтар үрүҥ көмүс бэлиэнэн уонна 50 тыһыынча солкуобайынан наҕараадаланыахтара, ону таһынан виртуоз-хомусчут үрдүк аатын ылыахтара   Бэстибээл кэмигэр Орджоникидзе болуоссатыгар хомус тардыытыгар флешмоб тэриллиэҕэ, манна өрөспүүбүлүкэ араас муннугуттан 100-тэн тахса киһи биир матыыбы хомуска дьүрүһүтүөҕэ Гала-кэнсиэр бэс ыйын 17 күнүгэр Саха тыйаатырыгар буолуоҕа   «Хомусист-виртуоз мира» бастакытын 1991 сыллаахха тэриллибит. Онно Петр Оготоев, Спиридон Шишигин уонна Федора Гоголева виртуоз-хомусчут аатын ылбыттара. Иккис куонкурус 2011 сыллаахха тэриллибит. Манна Альбина Дегтярева, Юлияна Кривошапкина-Дьүрүйээнэ уонна Ким Борисов виртуоз буолбуттара. Куонкуруһу “Саха“ НКИХ уонна “Якутия24“ ханаалларга 11:00 чаастан быһа эпииргэ көрүҥ.