Ол хайдах этэй?: Сэрии кэмин оҕото Анисья Туралысова иһирэх кэпсээнэ

Хаҥалас улууһун Өктөм сэлиэнньэтин олохтооҕо Анисья Туралысова – сэрии кэмин оҕото. Номнуо 87-лээх ытык кырдьаҕас сэрии саҕаланарыгар баара-суоҕа 6 саастаах кырачаан кыыс этэ. Кини аҕата Михаил Константинович Михайлов 1942 сыллаахха дойдутун чиэһин көмүскүү аттаммыта. Хомойуох иһин, кини дьиэтигэр төннүбэккэ, сэрии толоонугар хорсуннук охтубута. Анисья Михайловна ураты дьылҕалаах киһи. Кини ийэлээх аҕата 12 оҕоҕо күн сирин көрдөрбүттэриттэн соҕотох ордубута. Бу күҥҥэ диэри Анисья Михайловна оҕо сааһын уонна сэрии сылларын үчүгэйдик өйдүүр, хайдах баарынан аһаҕастык ойуулаан кэпсиир. Билигин кини икки оҕо күн күбэй ийэтэ, түөрт сиэн уонна элбэх хос сиэн эйэҕэс эбэтэ. Олоҕун тухары Анисья Михайловна үлэҕэ таласпыта. Кини биэссэр-акушер уонна бэтэринээр үөрэхтээх буолан, идэтинэн уопсайа биэс уон сыл кэриҥэ үлэлээбитэ. редакцията Улуу Кыайыы күнүн көрсө ытык кырдьаҕаһы кытта сэһэргэстэ. Анисья Михайловна биһиги корреспонденнарбытыгар олоҕун уонна аҕатын сэриигэ хайдах атаарбыттарын туһунан иһирэхтик кэпсээтэ. Сиһилии – видеоҕа!