Мубай & Эльмир Низамов - Вальс

Йолдыз Миңнуллина сүзләре Эльмир Низамов музыкасы Вальс Җиргә кинәт якты капты, Җирне камап алды якты, Урамнарны камап, Җилеп узды кабат Күкнең җиде катын. Ул яшьлекнең гашыйк чагы - Турыбыздан үтә тагын, Турыбыздан үтә - Җете зәңгәр күккә Кул сузымы якын. Куш. Мин эндәшәм сак кына, Тәү хисләрең хакына, Тагын бер генә тапкыр Елмаеп, җанны яктырт - Сүзсез җавап итеп актык хатыма. Бездән соң да сөю барга Бакчаларны якты сарган. Киләчәген барлап, Үтә яңа парлар Безнең урамнардан. Ул яшьлекнең гашыйк чагы Якты тәрәзләргә багып, Шул беркатлы, керсез Хиснең бүгенгесен Күзләп йөри тагын.