Радик Динәхмәтов - Әлдә һин бар әле донъяла

“Әлдә һин бар әле донъяла...“ — композитор Байрас Абдуллиндың киң танылыу алған әҫәрҙәренең береһе. Шәриф Бикҡол һүҙҙәренә яҙылған был йырҙы хәҙер татар, урыҫ, инглиз һәм төрөк телдәрендә лә йырлайҙар. Композитор, хәрби дирижёр, подполковник Байрас Абдуллиндың йөрәге бынан 17 йыл элек тибеүҙән туҡтаны, ә йырҙары сәхнәләрҙә яңғырауҙан туҡтағаны юҡ. Уға бөгөн 70 йәш тулған булыр ине... Абдуллиндың ғаиләһе композитор тураһында, уның ноталарын да индереп, китап сығарырға әҙерләй. Оҙаҡламай уның исем туйы үтәсәк.