Шавкат Мирзиёев учинчи Тошкент халқаро инвестиция форумининг ялпи мажлисида иштирок этди
Ўзбекистон Республикаси Президенти Шавкат Мирзиёев 2 май куни Халқаро конгресс марказида учинчи Тошкент халқаро инвестиция форумининг ялпи мажлисида иштирок этди.
Тадбирда, шунингдек, Туркия Республикаси вице-президенти Жавдат Йилмаз, Сингапур Парламенти Спикери Сиа Киан Пенг, Қирғизистон Бош вазири Ақилбек Жапаров, Саудия Арабистони энергетика вазири Абдулазиз бин Салмон Ол Сауд, Европа тикланиш ва тараққиёт банки президенти Одиль Рено-Бассо, БМТ Бош котиби ўринбосари Татьяна Молчан, ОПЕК Халқаро тараққиёт жамғармаси президенти Абдулҳамид Ал-Халифа ва бошқалар қатнашди. Умуман, форумга дунёнинг 93 мамлакатидан икки ярим минг нафардан зиёд хорижий меҳмон ташриф буюрди.
Ўзбекистон Республикаси Президенти ташаббуси билан ташкил этилаётган халқаро форум ўтган уч йил давомида икки ва кўп томонлама ҳамкорликни кенгайтириш, энг долзарб муаммоларни муҳокама қилиш, илғор ғоя ва ёндашувларни ишлаб чиқиш учун самарали мулоқот майдонига айланди.
Давлатимиз раҳбари сўзининг аввалида мажлис иштирокчиларини қутлаб, форум мамлакатимизда ортга қайтмас тус олган ислоҳотларга, ўзаро манфаатли ҳамкорликни йўлга қўйишга бўлган улкан қизиқишдан далолат беришини таъкидлади.
Бугунги анжуман глобал геосиёсий ва иқтисодий муаммолар авж олаётган, барқарор ривожланиш йўлида хавф ва таҳдидлар кучайиб бораётган даврга тўғри келаётгани қайд этилди.
Дунё тартиботида чуқур трансформация жараёнлари кечмоқда. Товар ва хизматларни етказиб бериш занжирларидаги узилишлар, халқаро савдонинг пасайиши, инвестиция оқимларининг камайиши, иқлим офатларининг кучайиши – вазият нақадар беқарор ва заиф эканини яққол кўрсатмоқда.
Президентимиз жаҳон иқтисодиётининг ўсиш суръатлари сўнгги уч йил давомида пасаяётганини кўрсатиб ўтди. Тўғридан-тўғри хорижий инвестициялар билан боғлиқ тенденциялар ҳам кутилган умидларни оқламаяпти. 2023 йилда ривожланаётган давлатларга киритилган инвестициялар умумий ҳажми 9 фоизга камайди.
- Албатта, биз бугун жаҳонда инвесторлар учун мислсиз кураш кетаётганини яхши тушунамиз, - деди Шавкат Мирзиёев. - Бироқ бир ўзгармас ҳақиқат тобора ойдинлашмоқда. Ҳеч бир мамлакат бу каби ўткир муаммоларни якка ҳолда ҳал эта олмайди. Ўзаро ишонч ва ҳурмат руҳи, бир-бирини қўллаб-қувватлаш тамойили узоқ муддатли ҳамкорликнинг мустаҳкам устуни бўлиб қолаверади.
Ўзбекистон етакчиси мамлакатимизда инвестиция ва бизнес муҳитини тубдан яхшилаш, бу йўлдаги тўсиқларни босқичма-босқич бартараф этиш учун ташланган қатъий қадамларни санаб ўтди. Ҳар бир сармоядор ўзини эркин ва ишончли ҳис қилиши учун кенг кўламли ислоҳотлар амалга оширилмоқда.
Натижада сўнгги йилларда иқтисодиётимиз қарийб икки баробар ўсди. Ўтган йил якуни бўйича бу ўсиш 6 фоизни ташкил қилди. Инфляция 9 фоизгача пасайди. Савдо айланмаси кўрсаткичлари муттасил ошмоқда. Валюта бозори ва олтин-валюта захиралари барқарорлиги сақлаб қолинмоқда.
Охирги йилларда мамлакатимизда 60 миллиард доллардан зиёд хорижий инвестициялар ўзлаштирилди. Халқаро молия институтларининг 14 миллиард доллардан ортиқ маблағлари ижтимоий ва инфратузилма соҳаларига жалб қилинди.
1 view
9
4
2 months ago 00:12:30 1
Касым-Жомарт Токаев прибыл с визитом в Узбекистан
2 months ago 00:58:35 1
Шавкат Мирзиёев Жиззах вилояти бўйича асосий вазифаларни белгилаб берди
2 months ago 00:00:56 1
Токаев посетил исторические достопримечательности Хивы
2 months ago 03:04:01 1
Узбекистан: Новая жизнь древней страны | Uzbekistan: New Life of an Ancient Country
2 months ago 00:00:26 1
Президент Узбекистана попросил Путина передать соболезнования семьям погибших и пострадавшим
2 months ago 00:20:44 1
Қозоғистон президенти Қосим-Жўмарт Тўқаев Ўзбекистонга келди
2 months ago 01:35:22 1
Шавкат Умурзоқов ҳоким этиб тасдиқланди, Президент Янги Тошкентда «тарихий ҳодиса»га старт берди
2 months ago 00:05:59 1
Шавкат Мирзиёев меҳнат мигрантларини қўллаб-қувватлашга қаратилган муҳим йиғилиш ўтказди
2 months ago 00:04:50 1
Шавкат Мирзиёев принял делегации США
2 months ago 00:03:02 1
Президент Шавкат Мирзиёев Наманганда ифторлик қилди
3 months ago 00:02:13 1
Президент Шавкат Мирзиёев Наманганда ифторлик қилди—Президент Шавкат Мирзиёев провел ифтар в Наманг
3 months ago 09:49:50 1
ПРЯМОЙ ЭФИР. ВЫСТУПЛЕНИЕ ЗЕЛЕНСКОГО. 78 СЕССИЯ ГЕНЕРАЛЬНОЙ АССАМБЛЕИ ООН
3 months ago 00:20:25 1
БЕСПРЕДЕЛ В САМАРКАНДЕ!!! INSON QADRI UCHUN!
3 months ago 00:15:18 1
Демократические выборы — не выход?
3 months ago 00:00:43 1
Шавкат Мирзиеев поздравил Владимира Путина с победой на выборах