РФ лидери Путиндин Кыргызстанга сапары. Жыйынтык видео

Россия президенти Владимир Путин Кыргызстанга 12-октябрда келип, мамлекет башчы Садыр Жапаров менен жолукту. РФ лидери “Ата-Бейитке“ барып Үркүндүн курмандыктарын эскерип, мемориалга гүлчамбар койду. Ошондой эле эки өлкөнүн мамилесин өнүктүрүүгө кошкон салымы үчүн өлкө башчы Садыр Жапаровду Ардак ордени менен сыйлады. Президенттер күн тартибиндеги маселелерди жана биргелешип кызматташуунун келечегин талкуулашкан. Путин Кыргызстанга жасалган сапары бышып жетилгенин айтып, Кыргызстандын КМШга төрагалык кылган мезгилде жасаган иштерин жогору баалай турганын билдирген. Ал Россия Кыргызстандын экономикасынын ири инвестору экенин белгилеп, өткөн жылы соода жүгүртүү 37 пайызга жогорулаганын кошумчалаган. Садыр Жапаров кыргыз-орус стратегиялык өнөктөштүгүн жана союздаштык мамилени жогору баалай турганын белгиледи.