“Түндүк агымдын“ жардырылышына бир жыл болду

“Түндүк агымдагы“ жарылуудан жарым жыл мурун АКШ президенти Жозеф Байден Украинада чатак башталып кетсе, “Түндүк агым-2ни“ жок кыларын түз эле айткан. Батыш өлкөлөрү иликтөө жүргүзгөн түр көрсөтүп, кырсык боюнча “Россия жасады“ дегенден тарта “туристтик яхтанын активисттеринин колунан келди“ дегенге чейинки версияларды айтышты. Анткен менен иликтөөчү журналист Сеймур Херш бир катар тараптарга ыңгайсыз чындыкты чыгарды. Анда газ куурун Байдендин бийлиги менен АКШнын атайын кызматы жардырганы айтылды. 2023-жылдын август айында Венгриянын премьер-министри Орбан “Түндүк агымдагы“ жарылуудан кийин Германиянын үндөй албай турушу — анын эгемендүүлүгүнүн жетишсиздигинен кабар берерин белгиледи.