ӨФӨЛӘ МОРЖДАР ҮҘ МИҘГЕЛЕН АСТЫ

Бынан ары һалҡын һыуҙа ҡойонорға яратыусылар Өфөнөң Яҡутов исемендәге мәҙәниәт һәм ял паркында аҙнаһына өс тапҡыр йыйыласаҡ. Һалдат күле тирәләй төрлө күнекмәләр эшләүселәр бер-береһе менән аралашырға, тәжрибә уртаҡлашырға ла ваҡыт таба. Клуб ағзалары исемлеге йыл һайын сәләмәт тормош алып барыусыларҙың балалары, ейән-енәнсәрҙәре, таныштары менән тулыланып тора. Тәжрибәле «морждар» миҙгелде октябрь баштарында Ағиҙел аша йөҙөп сығып асҡан. Ҡышҡы йөҙөүҙе үҙ итеүселәр төрлө ярыштарҙа ҡатнашып өлгөргән. Алда уларҙы Рәсәй һәм республика кимәлендә үтәсәк чемпионаттар көтә. Александр Пенкин, Башҡортостандың ҡышҡы йөҙөү спорты федерацияһы рәйесе: «Төмән ҡалаһына донъя чемпионатына барып ҡайттыҡ. Күптән түгел бындай ярыш Владивостокта ла үтте. Был спорт төрөнә йылдан-йыл ҡыҙыҡһыныу арта, киләсәктә ҡышҡы йөҙөү бик күп кешеләрҙе берләштергән популяр спорт төрө булыр, тигән ышаныс көслө».