УГИНДЕ

Угинде пайрем чыла кундемлаште илыше марий-влакын йӱлаштышт уло. Угинде пайрем уржа-сорла пашам тӱҥалме деч ончыч Илян кече годым, 2 август гyтлаште эртаралтеш. Утларак йӧнанлан кугарня кече шотлалтеш. Татарстаныште Кукмара районышто, Кына ер воктене марий ял-влак верланеныт. Тыште кажне ийын Угинде пайремым пайремлат. Угинде — шыже пагытыште эртыше пайрем-влаклан тӱҥалтышым ышта.