Пуласлăх - пирĕн алăра

Пуласлăх хамăртан килет. Раҫҫейре те, регионсенче те кашни ҫула мӗне те пулин халалласси йӑлана кӗчӗ. Ҫитес ҫула мӗнпе çыхăнтармалла? Хулари çынсен шутне пĕлес тĕллевпе пирĕн пултарулăх ушкăнĕ ыйтăм ирттерчĕ. Кăçал Чăваш Енре телейлĕ ачалăх çулталăкĕ. 2024-мĕш çула мĕне халалласшăн,ытларах мĕн çине тимлĕх уйăрасшăн-ха Чăваш Енре пурăнакансем? – Экологи çулталăкĕ пулсан питĕ лайăх тесе шутлатăп. Мĕншĕн тесен экологи лайăх пулсан сывлама, çӳреме лайăх. Сывлăха лайăх пулать. Пире те, ватă çынсене, лайăх пулать. – Тепĕр çул, 2024-мĕш çул тăнăçлăх çулĕ пултăр. Никам та никампа та вăрçса, çапăçса ан пурăнччĕр. – 2024 мĕш çул экологи çулĕ пултăр. Çутçанталăк таса пултăр. Йывăçăсем, чечекĕсем илемлĕ пулччăр. Выльăхсен те, çынсен те аван пултăр. Çанталăк аван пулсан вĕсен те пĕтĕмпех аван пулать. – 2024-мĕш çул лайăх пултăр, тивĕçлĕ пултăр. Вăрçăсăр пултăр. – Çемье çулĕ пултăр. Ачасем тата та нумай çуралччĕр. Вĕсем çакăнта парка килсен таса, питĕ илемлĕ, хитре вырăнта чупса, савăнса çӳремелле пултăр. Экологи таса, хитре, илемлĕ пултăр. Эпир уншăн питĕ кăмăллă, савăнатпăр. Пурнăç хевти – тавлашура, кĕрешӳре. 2024-мĕш çула мĕне халалланине пуласлăх кăтартĕ, ертӳлĕх республикăра пурăнакансен шухăшне те тĕпе хурĕ.