Каменны век на Беларусі / Каменный век на Беларуси

Сляды першых людзей на тэрыторыі сучаснай Беларусі з’явіліся 100 тыс. гадоў назад. Гэта былі неандэртальцы – першыя жыхары нашай зямлі. Яны яшчэ адрозніваліся ад сучаснага чалавека, аднак ужо ўмелі смажыць на вогнішчы мяса, будаваць жытло, рабіць прылады працы і зброю. Рэшткі такіх прылад засталіся ў беларускім Падняпроўі. Асноўным матэрыялам тады быў камень, таму тая старажытная эпоха і названая каменным векам. 40-35 тыс. гадоў назад неандэртальцы знікаюць. Іх наступнікі – краманьёнцы ужо істотна не адрозніваліся ад сучаснага чалавека. 25 тыс. гадоў таму яны прыйшлі на поўдзень Беларусі. Стаянкі краманьёнцаў эпохі палеаліту археолагі адкрылі недалёка ад вёсак Юравічы і Бердыж. Галоўным заняткам было паляванне на мамантаў, на якое ўзбройваліся дзідамі з каменнымі наканечнікамі. На змену палеаліту прыйшоў сярэдні каменны век – мезаліт. Ледавіковы перыяд ужо закончыўся, клімат пацяплеў, зніклі маманты. У перыяд мезаліту чалавек прыручыў сабаку, вынайшаў лук і стрэлы, пачаў займацца рыбалоўствам. 6 тыс. гадоў