Ирндек лагеры (3 заезд 2018 года)

Әбйәлил районының “Ирәндек“ балалар һауыҡтырыу лагеры Урал аръяғының иң популяр ял итеү үҙәгенә әйләнгән. Быйыл меңгә яҡын үҫмерҙе ҡабул иткән. Әбйәлил балаларынан тыш, республиканың тиҫтәләп районынан, күрше Силәбе өлкәһенән дә ял итеүселәр күп булған. Лагерь өс йәйге сменала эшләгән. Лагерь етәкселеге балалар ялын күңелле һәм файҙалы үткәреү өсөн бар шарттар тыуҙырырға тырыша. Быйылғы ял айырыуса иҫтәлекле булған. Футбол буйынса донъя чемпионаты сиктәрендә спортҡа бәйле ярыштар уҙғарылған. Шулай уҡ балаларға мәктәп программаһын тағы ла киңерәк өйрәнергә мөмкинлек бирелгән. Лагерҙа быйыл тәүге тапҡыр күсмә лаборатория эшләгән.