“Ani“ ensemble - 05. Hazar barov (Armenian folk song)

Հայ ժողովրդական «Հազար բարով» հարսանեկան երգն է՝ Նոր Նախիջևանի (Դոնի Ռոստով) «Անի» անսամբլի կատարմամբ: Գեղարվեստական ղեկավար՝ Գրիգոր Խուրդայան: «Այգաբեր»-ի հետևորդներից Անժելա Գասպարյանի և Սիրարփի Ենգիբարյանի օգնությամբ հայթայթեցինք տեղեկություններ անսամբլի ինչ և որտեղից լինելու մասին, քանի որ մեր ձեռքի տակ կար պարզապես տեսագրությունը: Հայկական համայնքը Նոր Նախիջևանում և շրջակա գյուղերում (հատկապես Չալտիրում) է հաստատվել Ղրիմից, որտեղ նրա նախնիները գաղթել էին Անիից՝ միջնադարյան չքնաղ քաղաքամայրի կործանումից հետո: Հետևաբար, ծանոթանալով Նոր Նախիջևանի «Անի» անսամբլի ավանդական երգերին ու բարբառին, իրականում ծանոթանում ենք անեցիների երգ ու բանին: