Reinmar von Hagenau_Der Ostertag (verdeutscht von Jochen Faulhammer und Musiktheater Dingo)

Ich wil allez gâhen zuo der liebe die ich hân. so ist ez niender nâhen daz sich ende noch mîn wân. doch versuoche ichz alle tage und diene ir sô dazs âne ir danc mit fröiden muoz erwenden kumber den ich trage. Mich betwanc ein mære daz ich von ir hôrte sagen, wie si ein vrouwe wære diu sich schône kunde tragen. daz versuochte ich unde ist wâr. ir künde nie kein wîp geschaden (daz ist wol kleine) alsô grôz als umbe ein hâr. Swaz in allen landen mir ze liebe niac geschehen, daz stât in ir banden: anders niemen wil ichs jehen. si ist mîn ôsterlicher tac, und hâns in mînem herzen liep: daz weiz er wol dem nieman niht geliegen mac. Macht mit ;-) !