Ни.... Сри аарманова. Х.Дильмухаметов

*Яҙмыш ҡанундары* (НИҢӘ) Минең өсөн, бары минең өсөн, Килгән кеүек инең был ергә. Был тормоштоң шатлыҡ-хәсрәттәрен Бүлер кеүек инек гел бергә. Ниңә яҙмыш беҙҙе айырҙы ла Йөрәгемә һалды яралар. Осоп етмәҫ хыял ҡошом бит һин, Алыҫая беҙҙең аралар. Һинең өсөн, бары һинең өсөн, Яҙа инем аҫыл йырҙарҙы. Кем уйлаған, аҙаҡ һанармын тип, Һинһеҙ генә үткән йылдарҙы. Ниңә икән, ниңә бик аяуһыҙ Булды яҙмыш беҙгә ҡарата? Ә мин – тиле, нисә йылдар буйы Һаман, һаман һине яратам. Беҙҙең өсөн, барыф беҙҙең өсөн Атмаҫ инде һөйөү таңдары. Яңылыш та башҡа осрашмабыҙ – Яҙмыштың бит үҙ ҡанундары. Ниңә икән, ниңә мөмкин түгел Үҙгәртергәйәшәү ағышын? Йылдар аша аңлай алһаң икән Һөйөүемдең наҙлы һағышын.