Томбойоҡ сәскәһе. Ф Алтынбаева .Х.Дильмухаметов.

ТОМБОЙОҠ СӘСКӘҺЕ /Йыр/ Күргем килә йәйҙең уртаһында Томбойоҡтар сәскә атҡанын, Көтәм әле һинең шул сағында Үҙ йылғаңа алып ҡайтҡаның. Эх, томбойоҡ сәскәһе, Йәнем, бүләк итсәле, Йылғаларҙа томбойоҡтар Сәскәләр атҡан мәле! Устарыңда тотоп сығар инең Ғүмер буйы көткән бүләкте, Биргән вәғәҙәңде үтәр инең, Ысын итеп хыял-теләкте. Өмөтөмдө өҙмәй көтәм һаман Үҙ яғыңа алып ҡайтҡаның, Йылғалағы томбойоҡ сәскәһен Минең сәстәремә таҡҡаның. Эх, томбойоҡ сәскәһе, Йәнем, бүләк итсәле, Йылғаларҙа томбойоҡтар Сәскәләр атҡан мәле! Фәүзиә Ҡотлогилдина-АЛТЫНБИКӘ