SUGARRA

40/04 KEPA JUNKERA URRAZA; SUGARRA BIZIRIK EUS Berezia izan zen 1983-1987 urte bitarteko tartea; gauzak azkar gertatzen ziren 14-15 urteko gazte baten aurrean. Molde tradizionaletik abiatu, bertan trebatu, eta berrietarako trena zetorrela ikusita ez zen egon “bai ala ez” pentsatzen geratzeko denborarik. 1983ko Aste Nagusiaren barruan izango zen oker ez banago; Euskal Dantzarien Biltzarrak Santiago plazan antolatutako erromerietan egingo nuen topo lehenengoz Kepa Junkerarekin. Bertan, egun horretan hainbat trikitilari zahar eta gazte bildu ginen, Tiliño, Iñaki Irigoien eta Jon Pertika antolatzaileen aginduetara. Gerora, urte berean Iurretako San Migel jaien harira antolatutako herri musikarien jaialdian berriro suertatuko nintzen Keparekin. Eta zelan ez, Bilbo handitik ezustean zetorren trikiti-giro uholdearen beste partaide batzuekin: Iñaki Zabaleta,Jose Mari Santiago “Motriko”, Ramos anaiak etab…! Handik gutxira, 1984an Gatikako San Marko jaietan erromeria eskeiniko z