Шишм тклндерел

Башҡортостанда һәм унан ситтә төрлө ауыл һәм ҡалаларҙан сыҡҡан бик күп уңышлы кешеләр йәшәй. Әгәр уларҙың һәр береһе бәләкәй Ватанына ярҙам итһә, был башланғыс шул төбәктең тормошон бермә-бер яҡшыртыуға булышлыҡ итәсәк. Йөҙҙәрсә кеше йылдар дауамында шулай эшләй ҙә: аҡсалата, техника менән ярҙам күрһәтә йәки төрлө эштәрҙә шәхсән ҡатнаша. 2021 йылдан бик уңышлы эшләп килгән Атайсал проектында Ишембай районынан 100-ҙән ашыу кеше ерҙәштәренә, ауылдаштарына мәсеттәр төҙөргә, юлдар яңыртырға, мәҙәни усаҡтарҙы заманса үҙгәртергә ярҙам итә. Шундайҙар Ҡанаҡай ауылында ла бар.