Тос-Булакта Наадым-2024 малчыннар байырлалынга тураскааткан национал аът чарыжы эгелээн

Тос-Булакта «Наадым-2024» малчыннар байырлалынга тураскааткан национал аът чарыжы эгелээн. Аныяк чыраа аъттар чарыжынга Чеди-Хөл кожууннуң Ак-Талдан Сүлде Сотпа, Күчүтен мөге Эрес Кара-Сал, спорт сайыды Субудай Монгуш бирги, ийиги, үшкү черниң байзаларын алганын Тыва хуреш Tuva khuresh official дыңнаткан. Бии-Хем кожууннуң Сесерлиг сумузундан Андрей Нончаттың аъды дөрт дугаарында, Сүт-Хөл кожуундан Станислав Монгуштуң аъды беш дугаарында келген. Аът чарыжының тиилекчилерин шаңнаар езулал шакта болур. Source: TMG ТуваМедиаГрупп