Священномученик Аркадий Остальский,епископ Бежецкий

Канон собору новомучеников и исповедников Церкви Русской Припев: Святи́и новому́ченицы и испове́дницы Росси́йстии, моли́те Бо́га о на́с. Память: 07 февраля (25 января ст. ст.) Глас 6. __ Акафист новомученикам и исповедникам Церкви Русской Память: 07 февраля (25 января ст. ст.) __ Служба с каноном священномученику Аркадию,епископу Бежецкому Припев: Священному́чениче Арка́дие, моли́ Бо́га о на́с. Память:29 (16) декабря __ Священномученику Аркадию Остальскому,епископу Бежецкому Тропарь, глас 4. От юности Церковь себе яко невесту предобручив,/ за нюже и страдати за Христа возжелел еси/ и крепостию твоею не изнемогл еси,/ вседневно душу за паству полагая./ Темже последи и смерть от мучителей приял еси,/ священномучениче Аркадие славне,/ и теплый о нас пред Богом молитвенниче. Кондак, глас 2. Нравом кроток и сердцем милостив быв,/ во образ Спасов, священномучениче Аркадие,/ убогим достояние твое расточил еси,/ любовию же Христовою обогащен,/ на Голгофу Русскую возшел еси,/ темже с новомученики Церкве нашея,/ престолу Святыя Троицы предстоя,/ славу Воскресения улучил еси. Величание Велича́ем тя,/ священному́чениче Арка́дие,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего. Молитва О священномучениче Аркадие, пастырю добрый словесных овец! Ты образ Христов в себе ясно яви, грады и веси словом Божиим оглашая, нищия и вдовицы питая, люди расточенныя во едино братство Христово собирая, малодушныя и унылыя возставляя и к подвигу исповедания веры укрепляя. Егда же прииде на землю Российскую огненнаго испытания час, тогда мнози от путей правых заблудиша, перваго образа добрóту в себе погубиша, паче же зверообразни явишася. Ты же, архиерею честный, по пророчеству блаженныя старицы, не на кафедру церковную, но на Голгофу русскую смиренно возшел еси, да светит оттоле свет твой пред человеки, да паче возсияет в тебе образ Христов, яко злато, огнем страдания очищéно. Ныне же в небесней славе Престолу Божия предстоя, потщися, святителю, послужити Господеви, да услышит молитвы твоя и дарует Святей Церкви мир и тишину, архиереом право правити слово истины, священническому чину бодрость со молитвою, христианом же православным ревность о благочестии и честнем богоугоднем житии, да во всех прославится имя Святыя Троицы во веки. Аминь.