Хабаев Исмаил - Стих про любовь. Лирическая поэзия. Безам.

ЛУО Со чохь вуйла а, вижанза сема вуйла а ца хууш, сайн цIийнан неI йохийна, я кор дохийна, сайн чу къу валахь, и тергал вийр воцуш, цо сайга лахь, салам схьа а эцна, «хьо лаа вуй, накъост» аьлла а, цуьнга шога вист хир воцуш, сица паргIат, тийналлин кийра яханчу буса, бодашкахь, коьрта тIехьа диллина ши куьг долуш, дIатевжина Iара со, «сатийсамна, и меттара белахь, эзар шо а дукха хан яц» баьхна йолчу хьан ойла еш, ахь де дерзош, тIаьххьара дIатухуш долчу хьан цIийнан неIаран догIано «ма чIогIа яхъелла-кх, йоI, хIара хьан цхьалла» аьлла, хьох хIорраза а боккхуш болчу бехках цхьа дакъа сайга а кхочуш хиларна къера а волуш. Ткъа арахь цхьа хаза дуьллуш луо дара, и ас хьох еш йолу ойла санна, и ойла соьга йойтуш долу хьан дог санна, кIайн луо. © Хабаев Исмаил