Бай-Тайга кожуунда Бай-Тал ортумак школазының капитал септелгези

Бо чылын Тыва Республиканың девискээринде 23 школаларның капиталдыг септелгезин чорудуп турар. Бо хүннерде Тываның Баштыңы Владислав Ховалыгның шиитпири-биле 24 дугаар школаның септелгезин эгелээн, ол дээрге Бай-Тайга кожууннуң Бай-Тал ортумак школазы болур дээрзин сумунуң чагырга даргазының албан-хүлээлгезин түр үеде күүседип турар Каң Салчак дыңнаткан.