Видео от МБУ ДО Томторская детская школа искусств

Бүгүн норуот тапталлаах ырыаһыта Валерий Ноев төрөөбүт күнэ   🎼 Сахаҕа төрөөбүт алааһын, дойдутун санатар ырыалардаах талааннаах киһи Валерий Власьевич Ноев баара буоллар, бүгүн 84 сааһын туолуох этэ. Кини төһө да кылгас олоҕу олордор, сүрэх, дууһа кылын таарыйар ырыалары айан хаалларбыта.   📢 Валерий Ноев 45 сааһыгар диэри 70-ча ырыаны суруйбута биллэр. «Кыыс Амма», «Быраһаай, күөх сайын барахсан», «Киһиэхэ төрөөбүт дойдута», «Кыракый кыысчааным», «Кыракый уолчааным», «Иэйии ырыата», «Сардааналыын көрсүһүү» уо.д.а. ырыаларын дьон-сэргэ күн бүгүнүгэр диэри уостан түһэрбэккэ ыллыыр-туойар.