ДИ САБИЙ ЗЕИНШЭХЭР

Я адэ-анэхэр псэуми, я нэIэ щIэмытыжу къэхъу сабийхэмрэ, зеиншэ дыдэу къэнахэмрэ зэрылъ сайтым щIэх-щIэхыурэ уихьэрэ, Къэбэрдей –Балъкъэр республикэр къыхэпхмэ, гу лъыботэ къыпхуридзэ сабийхэм я бжыгъэм зэман кIэщIкIэ зызэрихъуэжым – зэм къыхэхъуэу, зэм хэщIу. Сабийм я нэхъыбэр лъэпкъкIэ урысщ. Балъкъэр хэтыххэкъым. ЗакъуэтIакъуэу къыхохуэ ди щIыпIэм щыпсэу нэмыщI лъэпкъхэм щыщхэри. Гуауэращи, адыгэ щылъхухэр мымащIэ. Дэхуэха дызэриIэм, абы я щIэблэр къызыхэхъуа лъэпкъым имыщтэжыф зэрыхъуам и щыхьэт наIуэщ ар: Къэзэрхэ, Бэгъуэтхэ, Айбазэхэ, Мэлейхэ, Мелэнхэ, Вэрокъуэхэ, Бэчырхэ, Чылхэ, Бэухъуэсхэ, Борэнхэ, Къазийхэ, Муртазэхэ, Тэбылэхэ, Таухэ, Iэмалчыхэ, Къалэбатэхэ я щIэблэ къыщохъу сабий зеншэхэмрэ, адэ-анэм я нэIэ щIэмыту къэхъухэмрэ кIэлъыплъ центрым.