Ո՞վ է փորձել այրել Երևանի սինագոգը. Ադրբեջանն ԱՍԱԼԱ-ի դեմ տեղեկատվական տեռոր է սկսել

Բաժանորդագրվեք մեզ՝ #սինագոգ #5tv 40 օրում 2-րդ անգամ Երևանում փորձել են այրել միակ սինագոգը: Հայաստանում հրեական համայնքի ղեկավարը «Հայլուրի» հետ զրույցում պատահածը վանդալիզմ է անվանել՝ վստահեցնելով, որ պատկերացում անգամ չունի, թե ում ձեռքի գործն է դա, քանի որ հայերն ու հրեաները հաշտ են ապրում: Ադրբեջանական մամուլը հայ վրիժառուների՝ ԱՍԱԼԱ-ի անվան հետ է փորձում կապել հանցանքը: Հայաստանի ժողովրդական շարժման համակարգողը տարածված տեսանյութերը նայել ու պնդում է՝ ԱՍԱԼԱ-ն կապ չունի: Մի անգամ էլ հոկտեմբերի սկզբին էին անհայտ չարագործները փորձել դյուրավառ խառնուրդով շշերով կրակին տալ սինագոգը: Հայաստանի արտգործնախարարությունը դատապարտել էր վանդալիզմը, բայց գործը այդպես էլ չեր բացահայտվել: Ի՞նչ կպարզի քննությունը այս անգամ: Քննչական կոմիտեն քրեական վարույթ է հարուցել գույքը ոչնչացնելու կամ վնասելու հատկանիշներով: