Молитва священномученику Ермогену, патриарху Московскому и всея России, чудотворцу.
О вели́кий уго́дниче Христо́в, святи́телю о́тче наш Ермоге́не! К тебе́, моли́твеннику те́плому и предста́телю пред Бо́гом непосты́дному, усе́рдно притека́ем, в ну́ждах и ско́рбех на́ших утеше́ния и по́мощи прося́ще. В дре́внюю годи́ну искуше́ний, внегда́ обыше́дше обыдо́ша страну́ на́шу нечести́вии врази́. Госпо́дь яви́ тя Це́ркви Свое́й столпа́ непоколеби́ма и лю́дем росси́йским па́стыря до́бра, ду́шу свою́ за о́вцы положи́вша и лю́тыя во́лки дале́че отгна́вша. Ны́не у́бо при́зри и на ны, недосто́йная ча́да твоя́, умиле́нною душе́ю и сокруше́нным се́рдцем тебе́ призыва́ющая. Кре́пость бо на́ша в нас оскуде́, и вра́жия ловле́ния и се́ти обыдо́ша нас. Помози́ нам, засту́пниче наш! Утверди́ нас в ве́ре святе́й: научи́ нас всегда́ твори́ти за́поведи Бо́жия и вся преда́ния церко́вная, от оте́ц нам запове́данная. Па́стырем на́шим бу́ди архипа́стырь, во́ином вождь духо́вный, боля́щим врач, печа́льным уте́шитель, гони́мым засту́пник, ю́ным наста́вник, всем же благосе́рдый оте́ц и за вся те́плый моли́твенник; я́ко да моли́твами твои́ми огражда́еми, непреста́нно воспое́м и просла́вим всесвято́е и́мя Живонача́льныя Тро́ицы, Отца́ и Сы́на и Свята́го Ду́ха, во ве́ки веко́в. Ами́нь.
1 view
9
4
2 years ago 00:02:03 23
Молитва священномученику Владимиру
4 years ago 00:01:48 24
Молитва священномученику Сильвестру.
12 months ago 00:01:57 7
Молитва Священномученику Владимиру.
2 years ago 00:03:25 8
МОЛИТВА 🙏 ОБ ИЗБАВЛЕНИИ ОТ ПЬЯНСТВА СВЯЩЕННОМУЧЕНИКУ ВОНИФАТИЮ.
3 years ago 00:23:38 20
Акафист священномученику Серафиму (Чичагову), митрополиту Петроградскому, молитва, святой 11 декабря
4 years ago 00:02:01 40
Молитва о здоровье домашнего животного священномученику Власию Севастийскому покровителю животных
4 months ago 00:03:19 10
Молитва священномученику Владимиру, митрополиту Киевскому и Галицкому.