МАРИЙ ЭЛ ЧОН ШЕПКА КУРЫМЕШ

🖋 Алевтина Полатова МАРИЙ ЭЛ — ЧОН ШЕПКА КУРЫМЕШ #почеламут Ала-кушто тораште-тораште Уло, манын ойлат, сылне вер. Йылт ом келше, уке, ом ÿшане — Сай деч сайже лачак Марий Эл! Нимо ден ом алмаште шке верым: Чодыражат, пасужат — чон пелен! Кудыргалын йогалше Элнетшым Сылне сем ал кеҥежым тӱрлен. Кугешнен пелештем марий мут ден, Лывыргалше йылмем ден мурем. Тутло киндым тамлен кушкынам гын, Авамландым моктен тауштем! Мыланем марий мланде эн шерге, Кечыжат эн йомартлын лектеш! Каважат сото-канде вуй валне, Марий Эл — чон шепка курымеш. #тылаткидем #мариййылме #чоншепка #шочмомланде #марийэл #шочмовер 🎦 Валентина Семёнова 2024 ий 29 октябрь