СВЯЩЕННОМУЧЕНИК КЛИМЕНТ, ПАПА РИМСКИЙ.

#Православие, #Христианство, #СвященномученикКлиментРимский, #житиясвятых, #житиеСвященномученикаКлиментаРимского, #СвященномученикКлиментпапаРимский, #житиеСвященномученикаКлиментапапыРимского, #православныйсвятой Тропарь: И́же от Бо́га чудоде́йствы пресла́вно удивля́я вселе́нныя концы́ ми́ра, свяще́нный страда́льче, па́че естества́ мо́рю, соста́вы вода́м содева́еши разделе́ние в честне́й па́мяти твое́й всегда́ притека́ющим усе́рдно в Богозда́нную ти́ це́рковь, чуде́сным твои́м моще́м, и по всенаро́дном хожде́нии мо́ре во еди́но тече́ние чудоде́тельне твори́ши, Кли́менте преди́вный, моли́ Христа́ Бо́га, спасти́ся душа́м на́шим. Кондак: Боже́ственнаго виногра́да священнооде́янна все́м лоза́ яви́ся, ка́плющи сла́дость прему́дрости, моли́твами твои́ми, всече́стне, да тебе́ истка́ну я́ко багряни́цу, песнь мы́сленную принесе́м, Кли́менте свя́те: спаси́ рабы́ твоя́. Молитва: О вели́кий чудотво́рче, священному́чениче Кли́менте! Приклони́ся ны́не к на́шим воздыха́нием серде́чным и помози́ нам во вре́менном житии́ сем твори́ти вся в зако́не Бо́жии предло́женная, вся́каго же греха́ отмета́тися. Ты, вели́кий подви́жниче, от ю́ности твоея́ клеветы́ претерпе́вый, мно́гия же боле́зни душе́вныя и труды́ понесы́й, помоли́ся ко Го́споду Бо́гу о нас, гре́шных и недосто́йных раб Бо́жиих (имена), да твои́м предста́тельством и заступле́нием пода́ст Всеблаги́й и нам, гре́шным, си́лу и кре́пость во благоду́шии претерпева́ти клеветы́ челове́ческия и я́же на земли́ ско́рби и сохрани́ти за́поведи Его́, да просла́вим пречестно́е и великоле́пое и́мя Го́спода Бо́га и Его́ благода́ть, да́нную тебе́, во ве́ки веко́в. Ами́нь. Величание: Велича́ем тя, священному́чениче Кли́менте, и чтим святу́ю па́мять твою́, ты бо мо́лиши о нас Христа́ Бо́га на́шего.