12 сахатыл райдыдта Урсейы Президент Владимир Путиним комкомм лини

Нæ равдыст райдайдзыстæм ахсджиаг цауæй. 12 сахатыл райдыдта Уæрæсейы Президент Владимир Путинимæ комкоммæ лини. Ацы аз у егъау пресс-конференциимæ иугонд. Паддзахады сæргълæууæгмæ ’рвыст æрцыд милуан фарсты бæрц. Сæ фылдæр цыдысты колл-центрæй. Уырдыгæй бадзырдтой 537 мин хатты. Комкоммæ линийы архайы нæ телеканалы минæвар, ме ’мкусæг Хетæгкаты Зæлинæ дæр. Бафтаудзыстæм ма уый, æмæ пресс конференци байгом кодта Цæгат Ирыстон. Республикæйы номæй фыццаг фарст радта информацион портал 15-æм Регионы уацхæссæг Хуасдзауты Алинæ. Йæ фарст баст уыд æфсæддон кадртæ цæттæ кæнынимæ. Бафарста, Цæгат Кавказы мидæфсæдды институты куыст сног кæнæн ис, æви нæ. Бæстæйы президент фæнысан кодта, ирон адæм кæддæриддæр Фыдыбæстæ хъахъхъæнджыты хыгъды фыццæгты ’хсæн кæй уыдысты, уый. Загъта, уавæрыл кæй бакусдзысты бæстонæй.