Ахуырадон центр “Интеллект“-ы цæуы дыууадæсæм наукон форум

Райрæзт æмæ сфæлдыстады центр “Интеллект“-ы цæуы дыууадæсæм наукон форум “Созвездие интеллектуалов“. Йæ сæйраг нысан - сывæллæтты курдиат раргом кæнын, наукæмæ сæ сцымыдис кæнын. Архайынц дзы 4-æм къласæй 11-æм къласы онг скъоладзаутæ. Форум адих кодтой дыууæ къæпхæныл. Æвзарæны эксперттæ аргъ кодтой куыстытæн. Комкоммæ хуызы та фæсивæд хъахъхъæдтой сæ проекттæ цалдæр здæхтытæм гæсгæ: инженерон, бæлвырд, æрдзон æмæ социалон-гуманитарон. Æдæппæтæй 17 секцийы. 90 куыстæй равзæрстой 78. Форумæн хатдзæгтæ скæндзысты декабры астæу. Уæлахиздзауты схорзæх кæндзысты лæвæрттæ, Кады гæххæттытæ æмæ майдантæй.