• Аҧсуа чара шәаҳәарала иҧшӡоуп. Абхазская свадьба красива пением

Цәыббрамза 17, 2022 шықәса. Аҧсуа чара, Лыхны ақыҭан, хьӡи-ҧшеи згым Сақаниаа ргәараҭаҿ. Фиодор Леонти-иҧа Сақаниа ачара изиуит иҧа, Сақаниа Манчеи, иҭаца, Қәҭарҧҳа Ликеи. Аҧсуа чара ҧшӡоуп шәаҳәарала, Аҧсуа чара ҧшӡоуп кәашарала. Уи аҽны асасцәа ҳақәшәеит, амш ҳауит, аҧшәма идҵала аҭамадарагьы ныҟәызгеит. Аҭаца лҟынтә иааз асасцәа пату рықәаҳҵеит. Асааҭ хҧа рзы инатәаз ауаа ҳмыццакӡакәа, еиҳа зжәуа ҳәа ҳмеисыкәа, ҳабацәа ишыҟарҵалоз еиҧш, аамҭа ҳгеит, аҭоурых ҳҳәеит, ҳгәаанагарақәа еибаҳҳәеит, насгьы, зегь раасҭа