Коронавирус: Алматы билігі қала жұртын дүрмекке ермеуге шақырды

Коронавирус қаупінен сескенген еліміздегі ең үлкен мегаполис – Алматы жұрты да кешелі-бері азық-түлікті жаппай сатып алып жатыр. Арбасын толтырып, ұзын-сонар кезекте тұрғандардың видеосы әлеуметтік желіні шарлап жүр. Бірі, көптеп алуға тырысса, өзгесі бітіп қала ма деп қауіптенуде. Алайда, қала билігі босқа даурығудың қажеті жоқ, бұл бағаның шарықтауына әкеліп соғады дейді. Сұраныстың өскенін байқағандар осындай кезде қалтасып қампайтып қалуға тырысуда екен. Мәселен, мониторинг жүргізген мамандар қанттың бағасы едәуір өскенін анықтапты. Ал, қазіргі уақытта қалада бір жарым, екі айға жететін қор бар екен. “Алайда бұл осы уақыттан кейін тапшылық болады дегенді білдірмейді“ дейді мамандар. Тіпті, карантин жарияланған күннің өзінде де әлемдік тәжірибиеге сай, азық-түлік дүкендері қалыпты жұмыстарын жалғастыра бермек. #1tvkz #смотримвместе #жаңалықтар #бастыжаңалықтар #Қазақстан Телеграм топ - Ең рейтингілі және бүкіл ел күтетін жаңалықтар!