Саҡмағош районы Иҫке Биккенә ауылында яңыртылғандан һуң мәҙәниәт усағы файҙаланыуға тапшырылды

2013 йылда оптимизация сәйәсәте һөҙөмтәһендә ябылған бина алты йыл тирәһе буш торғандан һуң ҡабат үҙ ишектәрен асты. Район бюджеты ярҙамында капиталь ремонт эшләнә. Был көндө ауылдаштар тарихи ваҡиға булараҡ түҙемһеҙләнеп көткән. Байрам концерты тотош Ҡалмашбаш ауылы хакимиәте биләмәһендә йәшәүселәрҙе йыйҙы. Мәҙәниәт йорто фойеһында төбәк оҫталарының ҡул эштәренән торған бай күргәҙмә ойошторолдо.