Саҡмағош районы мәктәптәрендә туған башҡорт телен һайлаусы балалар арта

Был иһә башҡорт телен дәүләт теле булараҡ үҫтереүгә йүнәлтелгән эшмәкәрлек һөҙөмтәһе. Был турала район советының сираттағы ултырышында белдерҙеләр. Әйткәндәй, рәсми сара үҙе лә башҡорт телендә алып барылды. 2015 йылда башҡорт телен һайлаусылар өс йөҙ тирәһе генә булһа әле дүрт йөҙгә яҡын. Ултырышта туған телдәрҙе артабан да үҫтереү, балаларҙа телгә һөйөү уятыу, уҡытыу мәсьәләләре өйрәнелде. Саҡмағоштар был мөһим эште мәҙәни саралар, милли йолалар һәм ғөрөф-ғәҙәттәр ярҙамында ойошторорға тырыша.