K’ala Marka - Willka Kuti

WILL-KA (Retorno del SOL) Munata Achachilanaca, Laq’a Achachilanaca, Laq’a Awichanaca Cauquipachat pacha, Alajxpachatpacha, Acapachat pacha, Manq’apachcama Q’ollana Qh’ap’acj, Apu Inti Wilka Tata Q’ollana Pajxsimama, Q’ollana Warawaranaca Jalsu Warawara, Jalanta Warawara, uq’amaraqi, Willjta Warawara, Ch’aphuch’aphu Warawara Jumanaqaruw maith’apsma, thajpacha, aqa Aviayala mark’pachataqi, mudpacha qhuch’utqhuchu cauqit chauquicama, wiñayat wiñayapataqi Jicshuru Pa’waranq’a sojtani maranqasina, aqa patunqa mayani uru, saraq’ata juipipacha pajxsina, taq’e Achachilanacaruw jawiyth’apsma, uq’amaraqi: Illimani Achachila, Sillilliqa, Sajama, Illampu, Wayna Potosi, Q’aphia, Uchumachi, Pashjjiri, Jipy, Waq’a Achachilanaca armthata Achachilanaca. Jumanacaruw maythapsjma, sasina jumanacaya q’uyapthawayjeta, aqa wajch’a wawanac’maru P’esq’a waranq’a, p’esq’a pataca tunqa pusini maranaqay pasawayjatana, jisq’achata uñjasipjta, p’encachata uñjasipjta, uñch’uqita uñjasipjta, uq’amaraqi, cunaymani jan walth’awinacana. Jumanacaruw mawipsma, Ispall Awichanaqa, Achachilanaqa, jumanacaw yanap’th’apjetata ch’ecjpachansa, cawqit cawqipach’cama wiñayan wiñayapataqi. Uq’amata nanaqaja, ch’ecjpachansa, juq’ampi jach’a yatiñani tucupjañanajataqi, jach’a camasanni tucupjañanajataqi, ch’istañani, chiq’i amuyuni, khollq“e chuymani, q“aph’a amparani, jaq’e canqañani tucupjañanajataqi, inasaj jani asqi jaq’epti, aqa utjawina aqacapachanja jumanaqaw q’ollapjetata Qollan’q’apaq Inti WIllka Tata. Aqa Willka Kuty urunqasina jumar sapsma q’uyapthawayjeta wiñayan wañapqama, cawquita cawquipach’qama, waq’a Awichanaqa, achachilanaqa, uq’amaraquiwa, waq’a Awichanaqa, jumanacaruw, maythapsma, Samaypatat’pacha, Inkallajta, ukjsatpacha, uq’amaraquiwa, Macchu Pijchu, Chiripa, Mocurmata, Aq’apana, Puma Punqu, K’ala Sayasaya, K’erek’ala, uraq manq’an walja amtanacawa imantataqi collana acapachana, ucam sasau maythapsma, Aymara, Q’hechua, Tupiwarani, juqhampi quimsa tumqa pacallconi, mayachtasipjañajataqi uq’amata Ajayu toq’eta, qhespiyañataqi, Achachilanaca, Pharanaca, Illanaca, Qhunucollo Achachilanaca, Aymara Q’uechua Tupiwarani, Juq’ampi, Apaches, Pieles Rojas, Vascos, Chiquitania, Los Uros, Chipayas, Mulatos, jumaru jan amtasjasmati pesq’a pataqa jilamaranaca. Ucactua aca q’ollan arunacampi arjayanipsma sasina, uca amuyunaca, jalsuta, jalantata, alayata aynachata, purinsaya, aranzaya, taq’e toqhetwa jawilthapsma jic’huru, aca patunca mayani uru sacaq’ata pa waranq’a sojtani maranqasinja cauquit cauquicama, wiñayan wiñayapataqi. Tunupa Achachila, Terani Achachila, Anthaqhawa Achachila, Sillilliqa Achachila, Alpes Achachila, Hymalaya Achahcila, Aconcawa Achachila, Chimborazo Achachila, Everesth Achachila, Pirineos Achachila, jumanaqaruw maithapsma, jumanaqaruw Jallallthapsma, aqa arunacampi. !! JALLALLA TIWANAKU MARKA!! !! JALLALLA AYMARA MARKA!! !! JALLALLA WIñAYA TAYPI K’ALA MARKA!! !! JALLALLA QOLLASUYO MARKA!! !! JALLALLA CHINCHASUYO MARKA!! !! JALLALLA CONTISUYO MARKA!! !! JALLALLA ANTISUYO MARKA!! !! JALLALLA JACH’A TAWANTINSUYO!! !! JALLALLA TIWANAKU MARKA!!