ГЕЛЕК НАЦЫК-ДОРЖУ ТЫВАНЫ КАМБЫ-ЛАМАЗЫ

Тыва туризм хөгжүдер талазы-биле онзагай, бот-тускайлаң девискээрлерге хамааржып турар. Ылаңгыя Тываның найысылалында буддисчи архитектураның көскү объектилери туттунган – хүрээлер, Будда бурганның тураскаалдары, ыдыктыг субурганнар. Россияда эң-не улуг «Тубтен Шедруб Линг» хүрээзи Тываның Россияда үш буддисчи төптериниң бирээзи болуп турар ролюн онза күштелдирген. Ооң-биле холбаштыр регионнуң удуртукчузу Тывага шажынчы туризмни хөгжүдерин саналдаан. Шак бо айтырыгга хамаарыштыр бодунуң бодалы-биле Тываның Камбы-ламазы Гелек Нацык-Доржу үлешкен.