Ахбори Тоҷикистон ва ҷаҳон ()اخبار تاجیکستان .(Нашри якум)

Кумисюни марказии интихобот ва раъйпурсии Тоҷикистон рӯзи дувуми март натиҷаҳои ибтидоии интихоботи порлумониро эълон кард, ки ба нафъи ҳизби ҳокими халқии демократӣ анҷом шудааст. Мақомот интихоботро ошкору шаффоф ва рақамҳои баёншударо воқеӣ хонданд, аммо мухолифон мегӯянд, ин интихобот бо тақаллуб олуда буд. Бар асоси натиҷаҳои аввал, аз 63 курсии Маҷлиси Намояндагон 47 курсиро ҳизби ҳокими халқии демократӣ соҳиб шудааст. Курсиҳои дигарро намояндагони панҷ ҳизби дигари сиёсӣ, ки аз онҳо гоҳе ба унвони “ҳамкори ҳизби ҳоким“ ном бурда мешавад, ба худ ихтисос доданд. Аз соли 1995 ба ин ин тараф ин интихоботи шашуми порлумонӣ дар Тоҷикистон буд. То кунун кишварҳои ғарбӣ ба интихоботҳои Тоҷикистон баҳои мусбат надода, онро ҳамвора олуда ба тақаллуб хондаанд. Аммо нозирони кишварҳои пасошӯравӣ ва Созмони Ҳамкориҳои Шонгҳой рӯзи дувуми март гуфтанд, интихоботи порлумонии рӯзи якшанбе “демократӣ буд”. Хабару гузоришҳои дигари марбут ба интихоботро дар сафҳаи махсуси мо хонед ва тамошо кунед: .