Հայկական կողմն ամեն ինչ մտածված է անում, որ իրեն դուրս հանեն ՀԱՊԿ-ից.Հայկ Խալաթյան

Մոսկվան ամեն ինչ կանի, որ Հայաստանը ինքնակամ դուրս գա ՀԱՊԿ-ից, որ պատասխանատվությունն ընկնի հայկական կողմի վրա. Հայկ Խալաթյան Հասկանալի է, որ ՀԱՊԿ-ից դուրս գալու որոշումը արդեն ընդունված է: Այս մասին Alpha News-ի ուղիղ եթերում հայտարարել է Ռազմավարական հետազոտությունների և նախաձեռնությունների վերլուծական կենտրոնի տնօրեն, Մոսկվայի՝ Alpha News-ի խմբագրության գլխավոր խմբագիր Հայկ Խալաթյանը։ «Հայաստանը դադարեցնում է ֆինանսավորումը ՀԱՊԿ կազմակերպությանը՝ չնայած մինչև այդ բյուջեն հաստատվել էր և, օրինակ, շատերի մոտ դժգոհություն էր առաջացել ոչ միայն Ռուսաստանում, այլ նաև մյուս երկրներում, որ ֆինանսավորման դադարեցումը տեղի է ունեցել, երբ տարին սկսվել է, արդեն դժվար է վերանայել բյուջեն, իսկ կազմակերպությունը իր կանոնադրությամբ իրավունք չունի, օրինակ, բյուջետի դեֆիցիտ ունենալ: Տպավորություն է՝ Նիկոլ Փաշինյանը մտադիր է դուրս գալ ՀԱՊԿ-ից, բայց մյուս կողմից էլ հասկանալի է, որ ՀԱՊԿ-ից դուրս գալու որոշումը արդեն ընդունված է»,- ասել է քաղաքագետը: Խալաթյանը համոզված է՝ հայկական կողմն ամեն ինչ մտածված է անում, որ իրեն դուրս հանեն կազմակերպությունից ու ասի, որ ինքը ինքնակամ չի դուրս եկել ՀԱՊԿ-ից.