Тасқын судың кесірінен баспанасыз қалған Ғ.Мұстафин ауылы тұрғындарының кейбірі әлі үйсіз жүр.

Бір түннің ішінде жүздеген баспананы тасқын суы шайған Қарағандыдағы Ғабиден Мұстафин ауылы тұрғындарының кейбірі әлі үйсіз жүр. Осыдан екі жыл бұрын табиғаттың тосын мінезінен зардап шеккен отбасылар үйді қойып, қордан бөлінуі тиіс ақшаны да көрмегендерін айтады. Миллиондаған ақшаларын алмаған тұрғындардан уәде етілген пәтерлерін күтіп жүргендер көп. Үйі суға кеткен Татьяна Филиукованың анасы қартайған шағында бір жыл бойы жақынының үйін жағалап жүр. «Бір жарым жылдан бері төрт қабырғасы ғана қалған баспанасын жөндейміз деген басшылардан әлі хабар жоқ», деп қапалы. Ал шенеуніктер қордағы ақшаның аздығына байланысты бәріне бірдей көмектесе алмаймыз деп отыр.