Абсурд МУС: сілавікі схапілі калекцыянера | Абсурд МВД: силовики схватили коллекционера

У зводках Міністэрства ўнутраных справаў РБ за 24 сакавіка 2021 г. была пададзеная інфармацыя аб выкрыванні арсеналу зброі: “патроны рознага калібру, зменны кулямётны дыск, прадмет, падобны да часткі аўтамата“ Знайшлі гэтак званы арсенал на падворку наваградскага актывіста Сяргея Лаўрушчыка. Сваю любоў да гісторыі спадар Сяргей увасобіў, стварыўшы сапраўдны музей. Збіраў сваю калекцыю у знаёмых, сяброў ды суседзяў. За 72 гадзіны затрымання міліцыянты так і ня выставілі абвінавачання. Адразу пасля вызвалення Сяргей Лаўрушчык знік. Цяпер жа яму пагражае крымінальны артыкул – за незаконнае захоўванне зброі.