Песнопения Триоди: Стихиры Недели воспоминания Адамова изгнания

Созда́тель мой Госпо́дь, / персть от земли́ прие́м мя, / живоно́сным дунове́нием вдуши́в оживи́, / и почте́ на земли́ нача́льствующа ви́димыми все́ми, / и а́нгелом купножи́теля. / Сатана́ же льсти́вый, / сосу́д зми́я употреби́в, сне́дию прельсти́, / и Бо́жия сла́вы разлучи́, / и преиспо́днейшей сме́рти предаде́ в зе́млю, / но я́ко Влады́ка и Благоутро́бен, / па́ки воззови́. Оде́жды боготка́нныя совлеко́хся окая́нный, / Твое́ Боже́ственное повеле́ние преслу́шав Го́споди, сове́том врага́, / и смоко́вным ли́ствием, и ко́жными ри́зами ны́не облеко́хся: / по́том бо осужде́н бых хлеб тру́дный сне́сти: / те́рние же и волче́ц мне принести́, / земля́ проклята́ бысть. / Но в после́дняя ле́та воплоти́выйся о