Святой мученик Иринарх Севастийский

Канон святому мученику Иринарху Севастийскому Припев: Святы́й великому́чениче Ирина́рше, моли́ Бо́га о на́с. Память: 11 декабря (28 ноября ст. ст.) Глас 6. __ Тропарь мученику Иринарху Севастийскому,глас 4. Му́ченик Твой, Го́споди,Ирина́рх,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша. __ Кондак мученику Иринарху Севастийскому,глас 2. Звезда́ све́тлая яви́лся еси́ непреле́стная ми́рови, Со́лнца Христа́ возвеща́ющи заря́ми твои́ми, страстоте́рпче Ирина́рше, и пре́лесть погаси́л еси́ всю, нам же пода́еши свет, моля́ся непреста́нно о всех нас. __ Величание Велича́ем тя,/ страстоте́рпче святы́й Ирина́рше,/ и чтим честна́я страда́ния твоя́,/ я́же за Христа́// претерпе́л еси́. __ Тропарь, глас 4. Мученицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего,/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша. __ Кондак, глас 2. Свети́льницы све́тлии я́вльшеся, боже́ственнии му́ченицы,/ тварь всю све́тлостию чуде́с озаря́ете,/ неду́ги разреша́юще и глубо́кую тьму всегда́ отгоня́юще,// Христу́ Бо́гу моля́щеся непреста́нно о всех нас. __ Величание Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́// претерпе́ли есте́.