Святой апостол Иаков Зеведеев

Канон святому апостолу Иакову Зеведееву, брату апостола Иоанна Богослова Припев: Святы́й апо́столе Иа́кове, моли́ Бо́га о на́с. Память: 13 мая (30 апреля ст. ст.) Глас 8. __ Тропарь апостолу Иакову Зеведееву, брату Иоанна Богослова, глас 3. Апо́стол Христо́в был еси́ избра́нный/ и Богосло́ву возлю́бленному брат единоро́дный,/ всехва́льне Иа́кове,/ пою́щим тя грехо́в оставле́ние испроси́// и душа́м на́шим ве́лию ми́лость. __ Кондак апостолу Иакову Зеведееву, брату Иоанна Богослова, глас 2. Глас Боже́ственный слы́шав, призыва́ющ тя,/ любо́вь отца́ презре́л еси́/ и прите́кл еси́ ко Христу́, Иа́кове, с сро́дником твои́м, сла́вне,/ с ни́мже сподо́бился еси́ ви́дети// Госпо́дне Боже́ственное преображе́ние. __ Величание апостолу Иакову Зеведееву, брату Иоанна Богослова Велича́ем тя́, апо́столе Христо́в Иа́кове, и чти́м боле́зни и труды́ твоя́, и́миже труди́лся еси́ во благове́стии Христо́ве. __ Молитва апостолу Иакову Зеведееву, брату Иоанна Богослова О, вели́кий и возлю́бленный Апо́столе Хри