Ասուլիս. «Հայաստանի ազգային խոհանոցը` հաջողություններ, նպատակներ, խնդիրներ»

2023 թվականը հայ խոհարարների համար հաջող է սկսվել։ Կան նոր մրցանակներ, իսկ առջևում այլ հեղինակավոր մրցույթների մասնակցությունն է։ Մինչդեռ, World’s Best Cuisenes Teste atlas awards 2022 համաշխարհային մրցանակաբաշխության արդյունքներով հայկական խոհանոցն անսպասելիորեն զբաղեցրել է 90-րդ տեղը։ Ո՞րն է պատճառը: Այս մասին Sputnik Արմենիա մամուլի կենտրոնում կխոսեն Հայ խոհարարական ավանդույթների զարգացման և պահպանման ՀԿ գործադիր տնօրեն, Հայաստանի խոհարարների ասոցիացիայի հիմնադիր, WorldSkills (Աշխարհի հմտություններ) Armenia ազգային թիմի փորձագետ Արբի Ղարախանը, Երևանի թիվ 6 արհեստագործական պետական ուսումնարանի շրջանավարտ, Երիտասարդ խոհարարների 9-րդ oլիմպիադայի մասնակից Գոռ Ավետիսյանը, Մասնագիտական կրթության և ուսուցման զարգացման ազգային կենտրոնի տնօրեն, WorldSkills Armenia պաշտոնական պատվիրակ Տաթևիկ Գասպարյանը։