СВЯТОЙ ПРЕПОДОБНЫЙ ОНУФРИЙ ВЕЛИКИЙ.

#Православие, #Христианство, #ПреподобныйОнуфрийВеликий, #житиясвятых, #житиеПреподобногоОнуфрияВеликого, #святойпустынник, #СвятойпреподобныйОнуфрийВеликий Тропарь: Жела́нием духо́вным пусты́ни дости́гл еси́, Богому́дре Ону́фрие, и, я́ко безпло́тен, в ней многоле́тне подвиза́лся еси́ трудолю́бне, соревну́я проро́кам Илии́ и Крести́телю, и, от руку́ а́нгельску Та́ин Боже́ственных наслади́вся, ны́не во све́те Святы́я Тро́ицы ку́пно с ни́ми весели́шися, моли́ спасти́ся нам, твою́ па́мять почита́ющим. Кондак: Сия́нием Ду́ха Пресвята́го, Богому́дре, просве́щся, оста́вил еси́ я́же в житии́ молвы́, пусты́ню же дости́гл еси́, преподо́бне о́тче, возвесели́л еси́ и́же над все́ми Бо́га и Зижди́теля, сего́ ра́ди прославля́ет тя Христо́с, блаже́нне, вели́кий Дарода́тель. Молитва: О преподо́бне о́тче Ону́фрие! Мо́лим тя: услы́ши нас, гре́шных и недосто́йных раб Бо́жиих (имена), в час сей. И приими́ сие́ ма́лое моле́ние на́ше: рукописа́ние дел на́ших скве́рных и нечи́стых моли́твою твое́ю изгла́ди, твои́м заступле́нием при́сно нас покрыва́й и ко угото́ванному ве́рным пресве́тлому черто́гу моли́твами твои́ми приведи́; умоли́ у́бо Ми́лостиваго Бо́га, да отпу́стит нам вся прегреше́ния на́ша во́льная и нево́льная и вся зла́я дела́, на́ми сотворе́нныя, и да изба́вит нас твои́м предста́тельством от ве́чных мук и сподо́бит нас ра́дости ве́чныя наслади́тися, ку́пно со все́ми святы́ми, во ве́ки веко́в. Ами́нь.