Відэа зь месца, дзе знайшлі забітага міліцыянта

У чацьвер у Магілёве быў выкрадзены, а потым забіты 23-гадовы супрацоўнік міліцыі. Для пошукаў падазраваных быў уведзены плян «Сырэна» і на дарогах быў выстаўленыя блёк-пасты. ⠀ А 3-й гадзіне начы на месцы, дзе знайшлі забітага міліцыянта каля Магілёва, працуюць крыміналісты. Наш Карэспандэнт перадае зь месца здарэньня, паглядзіце першае відэа ⠀ Месца, дзе было знойдзена цела забітага міліцыянта, ачэпленае. Гэта лес непадалёк ад скрыжаваньня аб’язной дарогі вакол Магілёва і шашы на Шклоў. Сюды прыехала перасоўная крыміналістычная лябараторыя. Тут жа ўсталяваная аварыйная асьвятляльнай мачта. ⠀ «Пра акалічнасьці расказваць вельмі рана, — паведаміла Свабодзе на месцы Юлія Ганчарова, афііцыйная прадстаўніца Сьледчага камітэту Беларусі. — Вядуцца актыўныя дзеяньні па аглядзе месца здарэньня. Яшчэ ўсталёўваецца карціна таго, як усё адбылося». ⠀ Афіцыйнай інфармацыі пра затрыманьне падазраваных пакуль не паступала.