Астанада Қытайда жазықсыз сотталған этникалық қазақтардың туыстары жиналып, Қазақстан және Қытай биліктерінен араша сұрады. Жиналғандар Қытайдағы туыстарының қудаланып, жазықсыз сотталып жатқанын айтты. Жиында сөйлегендер Қытай үкіметі Қазақстан азаматтығын алған қазақтарды “Қытайға келіп, тіркеуін өшіртуге негізсіз мәжбүрлеп жатқанына“ шағымданды. Олар жиын соңынан арыз-шағымдары жазылған хатқа қол қойып Қазақстан сыртқы істер министрлігіне және Қытайдың Астанадағы консулдығына тапсырды.